«Արարատցեմենտի» գլխավոր տնօրեն Արտյոմ Պողոսյանը հայտարարել է, որ ստացել է գործարանի աշխատանքները շարունակելու թույլտվություն։
Նրա խոսքով՝ նախ պետք է գնահատվեն գործարանում առկա խնդիրները, ապա միայն կվերականգնվի արտադրական գործունեությունը։
«Սկզբում կտեսնենք՝ ինչ խնդիրներ կան, ապա կանցնենք արտադրական գործունեությանը»,- ասել է Պողոսյանը։
Անդրադառնալով իր պաշտոնում մնալու հարցին՝ Արտյոմ Պողոսյանը նշել է, որ այս պահին նման տեղեկություն չունի՝ արդյոք շարունակելու է զբաղեցնել տնօրենի պաշտոնը, թե ըստ Նիկոլ Փաշինյանի կնշանակվի այլ կառավարիչ: