Անցած ժամվա լուրերը՝ հակիրճ և բովանդակային.
·ԿԸՀ նախագահը հայտարարեց, որ Սահմանադրական դատարանի որոշումից առաջ այլ մեկնաբանություն չի անի, իսկ ՍԴ-ն արդեն հեռացել է խորհրդակցական սենյակ՝ ընտրությունների արդյունքների վերաբերյալ որոշում կայացնելու։
· ՆԳ նախարար Արփինե Սարգսյանը նշեց, որ ընտրական օրենսդրական փոփոխությունների նպատակն է ընտրություններին մասնակցեն միայն այն քաղաքացիները, որոնք ունեն մշտական և կայուն կապ Հայաստանի հետ։
· Երևանի համար հաստատվել է 650 մլն դոլարի ներդրումային փաթեթ, որը նախատեսում է Աջափնյակ մետրոյի կայարանի կառուցում, մետրոպոլիտենի արդիականացում և էլեկտրական ավտոբուսների ձեռքբերում։
· Երևանում երիտասարդ կինը հայտնել է, որ իր վստահությունը չարաշահելով՝ իր անունով առցանց վարկ է ձևակերպվել, իսկ դեպքի առթիվ նախաձեռնվել է քրեական վարույթ։
· ՌԴ ԱԳՆ-ն հայտարարեց, որ Մոսկվան չի ընդունում շանտաժի և սպառնալիքների լեզուն ու պատրաստ է բանակցել միայն կառուցողական դիրքորոշում ունեցող կողմերի հետ։
· Գերմանիայի ԱԳՆ-ն խստացրել է Ռուսաստան մեկնելու նախազգուշացումը և կոչ արել իր քաղաքացիներին լքել երկիրը՝ անվտանգության ռիսկերի պատճառով։
· Իսպանիայում անոմալ շոգի հետևանքով հունիսին գրանցվել է ավելի քան 1000 մահ, իսկ երկրի մի շարք շրջաններում կրկին բարձր ջերմաստիճանի պատճառով տագնապ է հայտարարվել։