Թեհրանը և Վաշինգտոնը համաձայնել են ստեղծել չորս մասնագիտացված աշխատանքային խմբեր, հաղորդում է Press TV-ն՝ հղում անելով Իրանի փոխարտգործնախարար Քազեմ Ղարիբաբադիին։
«Ստեղծվել են չորս մասնագիտացված աշխատանքային խմբեր՝ պատժամիջոցների վերացման աշխատանքային խումբ, միջուկային աշխատանքային խումբ, վերակառուցման և տնտեսական զարգացման աշխատանքային խումբ և մոնիթորինգի և իրականացման աշխատանքային խումբ», – ասվում է հայտարարության մեջ։
Ղարիբաբադիի խոսքով՝ կողմերն ավարտել են բարձր մակարդակի բանակցությունների հաջորդ փուլի նախապատրաստական աշխատանքները։ Դրանց կմասնակցեն Իրանի խորհրդարանի խոսնակ Մոհամմադ Բաղեր Ղալիբաֆը, Իրանի արտաքին գործերի նախարար Աբբաս Արաղչին, ԱՄՆ փոխնախագահ Ջ.Դ. Վենսը, ինչպես նաև Պակիստանի և Կատարի վարչապետներ Շեհբազ Շարիֆը և շեյխ Մոհամմադ բին Աբդուլռահման ալ Թանին։