ԱՄՆ ռազմաօդային ուժերը Ժնև են տեղափոխում սարքավորումներ, որոնք անհրաժեշտ կլինեն, եթե ԱՄՆ փոխնախագահ Ջ.Դ. Վենսը ժամանի այնտեղ՝ Իրանի հետ փոխըմբռնման հուշագիր ստորագրելու համար։
Այս մասին հայտնում է Axios-ի լրագրող Բարաք Ռավիդը՝ հղում կատարելով իրազեկ աղբյուրին. «Միջնորդ երկրներից մեկի դիվանագետը, որն ինձ հետ քննարկել է թարմացված տեքստը, ասել է, որ ԱՄՆ-ն և Իրանը համաձայնության են եկել համաձայնագրի ձևակերպումների շուրջ, բայց ընդունել է, որ դեռևս վերջնական հաստատում է անհրաժեշտ»։
Press TV հեռուստաալիքի հետ զրույցում Իրանի ԱԳՆ ներկայացուցիչը հաստատել է, որ կողմերը մոտ են համաձայնության. «Ինչ վերաբերում է ձևակերպումներին, ապա տեքստը իր հիմնական կետերով գրեթե ամբողջությամբ համաձայնեցված է։ Խնդիրն այն է, որ ԱՄՆ-ի հակասական դիրքորոշումը մշտապես խոչընդոտել է այս գործընթացին», — ասել է դիվանագետը։