Իսրայելն ու Լիբանանը պայմանավորվել են թարմացնել փխրուն հրադադարը և Լիբանանի տարածքում ստեղծել մի քանի «պիլոտային» անվտանգության գոտիներ, որտեղ կարգելվի «Հեզբոլլահ»-ի զինյալների մուտքը։ Այս մասին հայտնում է Reuters լրատվական գործակալությունը՝ հղում անելով ԱՄՆ պետքարտուղարությանը։
Վաշինգտոնում կայացած բանակցությունների արդյունքում ձեռք բերված այս համաձայնությունը ենթադրում է, որ լիբանանյան բանակը բացառիկ վերահսկողություն կսահմանի այդ գոտիներում։
Գործընթացը, սակայն, ուղղակիորեն կախված է Իրանի կողմից աջակցվող «Հեզբոլլահ» խմբավորման հարձակումների ամբողջական դադարեցումից և Լիտանի գետից հարավ ընկած տարածքներից նրանց զինյալների հեռացումից։