Հնդկաստանի հյուսիսային Ուտար Պրադեշ նահանգում ուժեղ փոթորկի և տեղատարափ անձրևների հետևանքով զոհվել է առնվազն 56 մարդ։
PTI լրատվական գործակալության տվյալներով՝ զոհերի մեծ մասը մնացել են փլատակների տակ՝ պատերի և տնակների փլուզումից հետո։
Մի քանի մարդ զոհվել է նաև կայծակի հարվածներից և ընկնող ծառերից։
Նահանգային իշխանությունները հանձնարարել են տարբեր գործակալությունների ներկայացուցիչներին այցելել տուժած տարածքներ և անհրաժեշտ օգնություն ցուցաբերել զոհվածների և վիրավորների ընտանիքներին։
Պաշտոնյաներին նաև հանձնարարվել է պահպանել բարձր պատրաստվածություն և անցկացնել վնասի գնահատում։