Ուկրաինայի նախագահ Վոլոդիմիր Զելենսկին հայտարարել է, որ ԱՄՆ-ն շարունակում է ակտիվ դիվանագիտական ջանքեր գործադրել ռուս-ուկրաինական պատերազմի դադարեցման ուղղությամբ․ այս մասին նա հայտնել է Ազգային անվտանգության և պաշտպանության խորհրդի քարտուղար Ռուստեմ Ումերովի զեկույցը լսելուց հետո, ով Վաշինգտոնում հանդիպումներ է ունեցել Դոնալդ Թրամփի ներկայացուցիչներ Սթիվ Ուիթքոֆի և Ջարեդ Քուշների հետ։
Զելենսկին հատկապես կարևորել է ԱՄՆ-ի միջնորդությունը գերիների փոխանակման հարցում՝ նշելով, որ ուկրաինական կողմն արդեն փոխանցել է համապատասխան ցուցակները և ակնկալում է գործուն աջակցություն։
Զուգահեռաբար քննարկվում են նաև առաջնորդների մակարդակով հնարավոր բանակցությունների ձևաչափերը, չնայած Կրեմլի նախապայմաններին և Դոնալդ Թրամփի՝ Ռուսաստան պատվիրակություն ուղարկելու հավանական մտադրությանը։