Ռուսաստանի զինված ուժերը հարձակվել են Ուկրաինայի Խարկովի, Խերսոնի, Սումիի, Դնեպրոպետրովսկի և Զապորոժիեի մարզերի վրա, որի հետևանքով զոհվել է յոթ և վիրավորվել 47 մարդ։
Այս մասին հայտարարել են տարածաշրջանային ռազմական վարչակազմերի ղեկավարները։
Խարկովի ղեկավար Օլեգ Սինեգուբովը հայտնել է, որ Խարկովը և տարածաշրջանի 15 այլ քաղաքներ վերջին 24 ժամվա ընթացքում ենթարկվել են ավիահարվածների։ Վիրավորվել է ութ քաղաքացիական անձ։
Խերսոնի ղեկավար Ալեքսանդր Պրոկուդինը հայտարարել է, որ ռուսական ուժերը հրետակոծել են Խերսոնի մարզը, վիրավորվել է 12 մարդ։
Սումիի մարզային ոստիկանության հայտարարության համաձայն՝ վերջին 24 ժամվա ընթացքում Ռուսաստանի կողմից Սումիի մարզում հասցված հարվածների հետևանքով զոհվել է հինգ և վիրավորվել ևս 11 մարդ։