Գերմանիայի փոխկանցլեր և ֆինանսների նախարար Լարս Քլինգբեյլը (SPD) արձագանքել է Գերմանիայի կանցլեր Ֆրիդրիխ Մերցին ուղղված ԱՄՆ նախագահ Դոնալդ Թրամփի քննադատությանը և հայտարարել, որ Գերմանիան «ամերիկացի առաջնորդի խորհրդի կարիքը չունի», հայտնում է ՏԱՍՍ-ը
«Մենք, անշուշտ, Դոնալդ Թրամփի խորհրդի կարիքը չունենք։ Նա պետք է տեսնի իր ստեղծած քաոսը։ Նա պետք է ապահովի, որ Իրանում լուրջ խաղաղության բանակցություններ անցկացվեն», – ասել է Քլինգբեյլը։
Միևնույն ժամանակ, Քլինգբեյլը քննադատել է Թրամփի ռազմավարությունը Իրանի նկատմամբ։ «Կարծում եմ՝ նա անկեղծորեն հավատում էր, որ դա երկու կամ երեք օրվա հարց կլինի, և ամեն ինչ լավ կլինի», – ասել է նա։ «Այժմ նա պատասխանատվություն է կրում Իրանում այս պատերազմի արագ ավարտն ապահովելու համար», – պնդել է Գերմանիայի ֆինանսների նախարարը։ «Առաջին հերթին, նա պետք է ապահովի, որ իր պատերազմի կրած ծախսերը չկրենք մենք՝ աշխատավարձ ստացողները, սպառողները և տնտեսությունը», – ընդգծել է քաղաքական գործիչը։
Քլինգբեյլը նաև շեշտել է, որ Եվրոպան պետք է այնքան տնտեսապես ուժեղ լինի, «որ չպարտավորվի թույլ տալ իրեն շանտաժի ենթարկվել»։ «Ես չեմ ուզում, որ մենք կախված լինենք Դոնալդ Թրամփի տրամադրությունից այսօր կամ վաղը», – եզրափակել է նախարարը։
Ավելի վաղ Թրամփը Մերցին մեղադրել էր Ուկրաինայի հարցի կարգավորման անարդյունավետության մեջ և կոչ արել զբաղվել երկրի ներքին խնդիրներով։Մերցը մեղադրել է Թրամփին Իրանի դեմ «պատերազմի մեջ ակնհայտորեն առանց որևէ ռազմավարության մտնելու» մեջ։
Ավելի վաղ ԱՄՆ նախագահը հայտարարել էր, որ Միացյալ Նահանգները քննարկում է Գերմանիայում տեղակայված զորքերի թիվը կրճատելու հարցը։ Նախագահը չի նշել, թե ինչու կարող է Վաշինգտոնը նման քայլի դիմել։ Սակայն այս հայտարարությունը հաջորդել է Մերցի քննադատությանը Իրանի դեմ ԱՄՆ ռազմական գործողության վերաբերյալ։
