Ֆրանսիայի նախագահ Էմանուել Մակրոնի՝ Հայաստան կատարելիք այցի շրջանակներում երկու երկրների միջև ռազմավարական գործընկերության մասին փաստաթուղթ կստորագրվի:
Այս տեղեկությունը Հանրային հեռուստաընկերության եթերում հայտնել է Հայաստանի Հանրապետության արտաքին գործերի փոխնախարար Վահան Կոստանյանը։
«Բավականին մեծ օրակարգ ենք ունենալու ՀՀ-Ֆրանսիա հարաբերությունների զարգացման ուղությամբ։ Հայաստան-Ֆրանսիա ռազմավարական գործընկերության փաստաթութը ի վերջո կստորագրվի, կստորագրվեն նաև էական նշանակություն ունեցող ոլորտային համագործակցության փաստաթղթեր», – հավելել է նա։
Նշենք, որ Էմանուել Մակրոնը մայիսի 5-ին պետական այցով ժամանելու է Հայաստան։