Իրանի ԱԳ նախարար Արաղչին «X» սոցիալական ցանցում կիսվել է Պակիստանի վարչապետ Շարիֆի՝ հրադադարի մասին գրառմամբ, որտեղ ընդգծված է, որ Լիբանանում ևս պետք է դադարեն ռազմական գործողությունները․
«Իրանի և ԱՄՆ-ի միջև հրադադարի պայմանները հստակ և միանշանակ են. Ամերիկան պետք է ընտրի հրադադարի կամ Իսրայելի միջոցով պատերազմը շարունակելու միջև. երկուսի համատեղումն անհնար է։
Աշխարհը հետևում է Լիբանանում տեղի ունեցող սպանություններին։ Գնդակն այժմ ԱՄՆ-ի դաշտում է»,- նշել է նա։