TikTok-ը նախատեսում է 1 մլրդ եվրո (1,16 մլրդ դոլար) ներդնել Ֆինլանդիայում երկրորդ տվյալների կենտրոնի կառուցման համար։ Այսպիսով՝ ընկերությունը եվրոպացի օգտատերերի տվյալների պահպանումը տեղափոխում է Եվրոպա. գրում է Reuters-ը։
Հայտարարությունը հնչել է այն ժամանակ, երբ TikTok-ի չինական մայր ընկերությունը՝ ByteDance-ը հունվարին խուսափել է ԱՄՆ-ում արգելքից՝ տվյալների պաշտպանության մտահոգությունների պատճառով, իսկ եվրոպական երկրները մեծացնում են ճնշումը սոցիալական ցանցերի ընկերությունների վրա՝ երեխաներին պաշտպանելու նրանց կախվածություն առաջացնող ալգորիթմներից։
TikTok-ը հայտնել է, որ Լահթիում (Հարավային Ֆինլանդիա) կկառուցի նոր տվյալների կենտրոն՝ սկզբնական 50 մեգավատ հզորությամբ և ընդհանուր պոտենցիալ 128 մեգավատ հզորությամբ։ Ներդրումը կկազմի 1 մլրդ եվրո։
Այս ներդրումը ընկերության «Եվրոպական տվյալների ինքնիշխանության 12 մլրդ եվրո նախաձեռնության» մաս է կազմում, որը, ըստ TikTok-ի, ապահովում է «արդյունաբերության լավագույն պաշտպանությունը ավելի քան 200 մլն եվրոպացի օգտատերերի տվյալների համար»։