7 ապրիլի 2026 – 10:30 AMT
PanARMENIAN.Net – Երևանի քաղաքապետարանը հայտարարել է, որ վարորդները միջոցներ են ձեռնարկելու ուղեվարձի պատշաճ գանձումն ապահովելու համար:
Քաղաքապետարանը նաև կոչ է արել մայրաքաղաքի հանրային տրանսպորտից օգտվելիս կատարել ուղեվարձի պարտադիր վճարումը։
«Տեղեկացնում ենք, որ «Երևանի ավտոբուս» ՓԲ ընկերության վարորդները ևս ներգրավված են վճարային կարգապահության ապահովման գործընթացում և իրենց լիազորությունների շրջանակում ձեռնարկելու են համապատասխան միջոցներ՝ ուղեվարձի պատշաճ գանձումն ապահովելու նպատակով»,-նշված է հաղորդագրության մեջ։
Ավելի վաղ հայտարարվել էր, որ տրանսպորտում կլինեն հսկիչներ, որոնք կհետևեն ուղեվարձի պատշաճ գանձմանը: