Ութ մուսուլմանական երկիր խստորեն դատապարտել է Իսրայելի կողմից ընդունված օրենքը, որը թույլ է տալիս մահապատժի ենթարկել այն պաղեստինցիներին, որոնք դատապարտվել են իսրայելցիների սպանելու համար։
Հայտարարությանը միացել են Սաուդյան Արաբիան, Եգիպտոսը, Հորդանանը, Ինդոնեզիան, Պակիստանը, Կատարը, Թուրքիան և Արաբական Միացյալ Էմիրությունները։
Հայտարարության մեջ նաև ընդգծվել է խիստ անհրաժեշտությունը՝ ձեռնպահ մնալ այնպիսի միջոցառումներից, որոնք կարող են սրել լարվածությունը։
Օրենքը նաև քննադատության է արժանացել Միավորված ազգերի կազմակերպության և Եվրամիության կողմից, մինչդեռ Միացյալ Նահանգները հայտարարել է, որ Իսրայելն ունի սեփական օրենքները որոշելու ինքնիշխան իրավունք։
Մահապատիժը տեղի կունենա կախաղանի միջոցով և կկիրառվի Արևմտյան ափի պաղեստինցիների նկատմամբ, որոնք դատապարտվել են ազգայնական դրդապատճառներով սպանությունների համար։