Այս մասին ճեպազրույցի ժամանակ հայտնեկ է վարչապետ Նիկոլ Փաշինյանը՝ անդրադառնալով Ծաղկազարդի օրը Սուրբ Աննա եկեղեցում տեղի ունեցած միջադեպին:
«Երբ ՊՊԾ ծառայողը աշխատանքը չանի, աշխատողի դեմ է քրեական գործ հարուցվելու, ինքը կարող է հայտնվել բանտում իր ծառայողական պարտականությունները չկատարելու համար: Երբ որևէ մեկը գործողություն է անում, բեյջ չունի, որ ինքը 18 տարեկան է, կամ առողջական խնդիրներ ունի, կամ չգիտեմ, այլ կարգի խնդիրներ ունի:
Ծառայությունը պետք է իրականացնի իր գործառույթները, եթե այդպես չլինի, այդ ծառայությունը անիմաստ կլինի և երկրորդը, ես չեմ հանդուրժի, որ ՀՀ որևէ ծառայություն իր պարտքը, իր ծառայությունը չկատարի, բացառված բան է, կլինի ոստիկանություն, կլինի ՊՊԾ, կլինի բանակ, կլինի ԱԱԾ։ Բա ի՞նչ պետք է աներ, այսինքն՝ պետք է հրավիրեր սրճարան սուրճ խմելո՞ւ»,-նշել է նա։
Փաշինյանը հավելել է, որ որքանով հասկանում է՝ ՊՊԾ աշխատակիցն այնպես է հարվածել, որ մարմնական վնասվածքներ չի հասցրել, իսկ ՊՊԾ աշխատակցին գնահատելն իր աշխատանքը չէ: