«Չելսիի» կիսապաշտպան Էնցո Ֆերնանդեսը անկեղծորեն ցանկանում է տեղափոխվել «Ռեալ Մադրիդ»։ Նրա նախկին մեկնաբանությունները Մադրիդում ապրելու ցանկության մասին պատահական չեն։ Եթե ֆուտբոլիստից կախված լիներ, նա «երեկ» կլիներ «Ռեալ Մադրիդում»: Այս մասին X սոցիալական ցանցի իր էջում գրել է լրագրող Խորխե Պիկոնի:
Աղբյուրի համաձայն՝ 2022 թվականի աշխարհի առաջնության հաղթողի տեղափոխությունը «Ռեալ Մադրիդ» ներկայումս անհնար է և իսպանական հսկան չի քննարկում այդ տարբերակը։ Ակումբը Ֆերնանդեսի հնարավոր տրանսֆերային վճարը, որը գնահատվում է առնվազն 100 միլիոն եվրո, համարում է չափազանց բարձր։ Ֆուտբոլիստին մոտ կանգնած աղբյուրները խոստովանում են, որ նա կցանկանար հեռանալ, բայց հասկանում է, որ դա չափազանց դժվար կլինի իրականացնել։
Այս մրցաշրջանում արգենտինացին բոլոր մրցաշարերում անցկացրել է 46 խաղ՝ խփելով 12 գոլ և կատարելով 6 գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ ուժի մեջ է մինչև 2032 թվականի ամառը։ Transfermarkt պորտալի տվյալներով՝ ֆուտբոլիստի շուկայական արժեքը կազմում է 90 միլիոն եվրո։