NASA-ն ծրագրում է ԱՄՆ Կանավերալ հրվանդանի տիեզերակայանից վերջին 54 տարվա ընթացքում առաջին տիեզերագնացների առաքելությունn ուղարկել դեպի Լուսին։
Սակայն Լուսնի վրա վայրէջք այս փուլում չի նախատեսվում․ «Արտեմիս-2» առաքելության ծրագրի համաձայն՝ չորս տիեզերագնացները կպտտվեն Լուսնի շուրջ և տասն օր անց կվերադառնան Երկիր։
Եթե եղանակը չխանգարի, ապա Space Launch System հսկայական հրթիռը «Օրիոն» տիեզերանավով թռիչք կկատարի ապրիլի 1-ին՝ տեղի ժամանակով 18:24-ին (Երևանի ժամանակով՝ հինգշաբթի 02:24-ին)։