Հրդեհ է բռնկվել Իսրայելի հարավում գտնվող քիմիական գործարանում՝ հրթիռի բեկորի ընկնելուց հետո։
Այս մասին հայտարարել է Իսրայելի շրջակա միջավայրի պաշտպանության նախարար Իդիտ Սիլմանը:
Նա նշել է, որ վտանգավոր նյութի արտահոսքի սպառնալիք չի հայտնաբերվել։
«Վտանգավոր նյութի արտահոսքի կամ հանրության համար սպառնալիքի վերաբերյալ որևէ մտահոգություն չի հայտնաբերվել», – հայտարարել է նախարարը։
Սիլմանը նշել է, որ գործակալության մասնագետները զննել են դեպքի վայրը և վերցրել անհրաժեշտ նմուշները:
«Ստուգումների և կրկնակի փորձարկումների արդյունքների հիման վրա որոշում է կայացվել վերաբացել ճանապարհները և վերսկսել բնականոն գործունեությունը», – հավելել է նա։