28 մարտի 2026 – 11:25 AMT
PanARMENIAN.Net – Հիդրոօդերևութաբանության և մոնիթորինգի կենտրոնը ներկայացրել է մարտի 17-23-ը Երևան քաղաքի մթնոլորտային օդի որակի վերաբերյալ տվյալները։
Փոշու պարունակությունը գերազանցել է սահմանային թույլատրելի կոնցենտրացիան՝ Կենտրոն վարչական շրջանում գրեթե ամբողջ շաբաթվա ընթացքում:
Նոր Նորքում գերազանցել է մարտի 17-ին և 22-ին, Արաբկիրում՝ մարտի 19-ին, մինչդեռ Շենգավիթում նման գերազանցում չի արձանագրվել։
Ազոտի երկօքսիդի մակարդակը ևս որոշ օրերի անցել է թույլատրելի սահմանները․ Կենտրոնում՝ մարտի 18-ին, Նոր Նորքում՝ մարտի 17-19-ը և 22-ին, Արաբկիրում՝ մարտի 18-ին, իսկ Շենգավիթում՝ մարտի 19-ին։
Ծծմբի երկօքսիդի պարունակությունը դիտարկված ժամանակահատվածում չի գերազանցել սահմանային թույլատրելի կոնցենտրացիան։