Երևանի քաղաքապետ Տիգրան Ավինյանը սոցցանցի իր էջում գրել է.
«Երեկ մեկնարկեց «Հայ վիրտուոզներ» միջազգային ակադեմիա-փառատոնը, որը Երևանում համախմբել է տարբեր երկրներից ժամանած երաժիշտների։
Փառատոնն իրականացվում է Երևանի քաղաքապետարանի ֆինանսավորմամբ՝ «Երաժշտություն հանուն ապագայի» հիմնադրամի հետ համագործակցությամբ և կշարունակվի մինչև ապրիլի 4-ը։
Ուրախ եմ, որ փառատոնի բացումը վստահված էր «Երևան» երիտասարդական նվագախմբի մեր երեխաներին։
Մեզ համար կարևոր է, որ Երևանում մշակույթը լինի մարդկանց կյանքում հաճախակի հանդիպող, սպասված ու գեղեցիկ իրադարձություն»։