ՀԱՊԿ Խորհրդարանական վեհաժողովի խորհուրդը հայտարարություն է ընդունել Մերձավոր Արևելքում և Իրանի Իսլամական Հանրապետության շուրջ իրավիճակի սրման կապակցությամբ:
«Մտահոգիչ է տարածաշրջանում լարվածության կտրուկ աճը, որը հրահրվել է արտատարածաշրջանային ուժերի սադրիչ գործողություններով՝ ուղղված Իրանի շուրջ իրավիճակի ապակայունացմանը: Նման գործողությունները լուրջ սպառնալիք են ստեղծում միջազգային խաղաղության և անվտանգության համար: Անթույլատրելի է ինքնիշխան պետությունների նկատմամբ ուժի կիրառումը և ուժի սպառնալիքը: Կողմերին կոչ ենք անում առավելագույն զսպվածություն ցուցաբերել և վերսկսել երկխոսությունը՝ առկա տարաձայնությունների խաղաղ կարգավորման համար: Մեր աջակցությունն ենք հայտնում Իրանի կառավարությանն ու ժողովրդին: Անթույլատրելի ենք համարում ուժի կիրառումը և կոչ ենք անում առկա հակասությունները կարգավորել բացառապես խաղաղ ճանապարհով՝ երկխոսության, փոխադարձ հարգանքի և բոլոր կողմերի շահերի հաշվառման հիման վրա՝ միջազգային իրավունքի համընդհանուր սկզբունքներին ու նորմերին և ՄԱԿ-ի Կանոնադրությանը համապատասխան»,-ասված է հայտարարության մեջ: