ՀՀ վարչապետ Նիկոլ Փաշինյանը բացառում է առաջիկա խորհրդարանական ընտրություններում ընդդիմության հաղթանակը։
«Ինչու եմ այդպես ասում։ Ոչ միայն վերջին մի ամսվա ընթացքում ժողովրդի հետ շփումը, տեսնելով նաև նրանց տրամադրվածությունը և խոսույթը։ Եվ ի վերջո կան պատմական ցիկլեր»,- ասել է Նիկոլ Փաշինյանը։
Նրա խոսքով՝ դժվար է հավատալ, որ մի ժողովուրդ ավելի քան հազարամյա դեգերումից հետո հասել է այն հանգրվանին, որին ձգտել է, և մեկ էլ այդ հանգրվանից 5 րոպե առաջ կատարում է կտրուկ շրջադարձ՝ զարգացման օրակարգից վերադառնալով գոյատևման և գոյապահպանության օրակարգին։ «Պետք է պատմական պահը ճիշտ գնահատենք»,- ասել է վարչապետը։
Նա ընդդիմադիր ուժերին մեղադրել է խաղաղության վերանայման մեջ։ «Իրենք օգտագործում են խաղաղությունը պարտադրելու, ուժային մեթոդներով խաղաղություն խարտադրելու և այլնի մասին խոսույթ։ Այդ կերպ, քան պատերազմի ճանապարհ ոտք դնել, անհնար է։ Կոնկրետ Քոչարյան-Կարապետյան-Ծառուկյան ուժերը։ Մեկն ասում է՝ վերաբանակցենք, մեկն ասում է՝ ուժով պարտադրենք։ Ընդհանուր տրամաբանությունը դա է։ Իրենք չեն համարում, որ այն խաղաղությունը, որը կա, պետք է խնամել, տեր կանգնել»,- ասել է վարչապետը։