Առաստաղը չի պահվել նորոգ վիճակում, չի կանխարգելվել կեղտի կուտակման հնարավորությունը. ՖՈՏՈ
ԵՐԵՎԱՆ, 25 մարտի․/Նովոստի-Արմենիա/. ՍԱՏՄ-ն կասեցրել է Գյումրիում գործող հանրային սննդի գործունեությունը։
Ինչպես հայտնում է ՀՀ սննդամթերքի անվտանգության տեսչական մարմինը, Շիրակի մարզային կենտրոնի տեսուչներն անհատ ձեռնարկատեր Գևորգ Տեր-Պետրոսյանին պատկանող Գյումրիում գտնվող հանրային սննդի օբյեկտում անցկացվող ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով։
Մասնավորապես՝
– սննդի կառույցն ապահովված չի եղել արհեստական օդափոխության համակարգով,
– պատերի որոշ հատվածներ չեն ունեցել հարթ մակերես, չեն պահվել նորոգ վիճակում, պատրաստված չեն եղել անջրանցիկ, լվացվող, ախտահանվող նյութերից,
– առաստաղը չի պահվել նորոգ վիճակում, չի կանխարգելվել կեղտի կուտակման և մասնիկների թափվելու հնարավորությունը,
– աշխատանքային սեղանների մակերևույթները չեն եղել հեշտությամբ մաքրվող և ախտահանվող։
Հանրային սննդի օբյեկտի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար։
