Իրանում ԱՄՆ-ի և Իսրայելի հարձակումներից վնասվել է ավելի քան 82 417 քաղաքացիական կառույց, հայտնել է Irna-ն հղում անելով Իրանի Կարմիր մահիկի ընկերության ղեկավար Պիրհոսեյն Քոլիվանդին։
Նա հավելել է, որ այս թիվը ներառում է 62 440 բնակելի շենք և 19 187 առևտրային շինություն երկրի տարբեր նահանգներում։ Թեհրանի նահանգում վնասվել է 25 280 բնակելի և առևտրային կառույց։
Նշվում է, որ հարձակումներից վնասվել են նաև 281 բժշկական, դեղագործական, սանիտարական և արտակարգ իրավիճակների հաստատություններ, 498 դպրոց և 17 Կարմիր մահիկի հաստատություն։ Բացի այդ, հարվածներ են հաստցել որոշ փրկարարական սարքավորումների, այդ թվում՝ երեք ուղղաթիռի, 48 շտապօգնության մեքենայի և 46 շտապօգնության մեքենայի։
Իսրայելն ու ԱՄՆ-ն փետրվարի 28-ին հայտարարել էին Իրանի դեմ լայնածավալ մարտական գործողություններ սկսելու մասին: Ի պատասխան՝ Իրանը հայտարարել էր Իսրայելի և տարածաշրջանում ամերիկյան թիրախների դեմ հրթիռային գործողության մեկնարկի մասին: Մարտի 1-ին Իրանը հաստատել էր երկրի Գերագույն հոգևոր առաջնորդ Ալի Խամենեիի մահը: Երկու կողմում էլ զոհերի թիվը ժամ առ ժամ փոխվում է։
