Իսրայելի պաշտպանության բանակը ոչնչացրել է պաղեստինյան ՀԱՄԱՍ շարժման լոգիստիկայի և մատակարարման ստորաբաժանման ղեկավար Յահյա Աբու Լաբդային, չորեքշաբթի օրը հայտնել է բանակի մամուլի ծառայությունը:
«Երեկ ՑԱԽԱԼ-ի ուժերը հարված են հասցրել և լիկվիդացրել են ահաբեկիչ Յահյա Աբու Լաբդային՝ ՀԱՄԱՍ-ի մատակարարման և լոգիստիկայի բաժնի հրամանատարին»,- ասված է հաղորդագրության մեջ:
Մամուլի ծառայությունը հայտարարել է, որ Լաբդան պատասխանատու էր ՀԱՄԱՍ-ի մարտական թևի համար ռազմական սարքավորումների գնման և տեղափոխման համար: Ըստ նրանց տվյալների՝ Աբու Լաբդան կազմակերպել է տասնյակ տոննա հումքի մատակարարում հրթիռների արտադրության և էլեկտրոնային բաղադրիչների համար: Նշվում է, որ այդ սպառազինությունն օգտագործվել է ՀԱՄԱՍ-ի կողմից 2023 թվականի հոկտեմբերի 7-ի հարձակման ժամանակ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: