«Դեպի Լուսին՝ ամերիկյան «Ապոլոն» ծրագրի մեկնարկի համար աշխատել է ավելի քան 400 հազար գիտնական»,- Հանրային ոլորտի նորարարության 3-րդ համաժողովին՝ ելույթի ժամանակ, ասել է ՀՀ վարչապետ Նիկոլ Փաշինյանը: «Մենք մեր հազարամյա պատմության ընթանցքում երբեք չենք պլանավորել ու ցավոք չենք պլանավորում թռնել Լուսին ու դրա համար կա ընդամենը մի պատճառ՝ էդ 400 հազար գիտնականի բացակայությունը: Եթե լիներ այդ 400 հազար պրոֆեսիոնալն ու գիտնականը, ինչո՞ւ պիտի հրաժարվեինք թռնել Լուսին»,- ասել է նա՝ հավելելով. «Սա էն դեպքն է, կներեք կոպիտ օրինակի համար, ասացվածք կա չէ՞՝ աղվեսի դունչը չի հասնում խաղողին, ասում է՝ խակ է. Լուսին թռնելը մեզ համար խակ է»: