MITT միջազգային ցուցահանդեսի շրջանակներում Հայաստանն արժանացել է «Ճամփորդական ոգի» անվանակարգին՝ որպես զբոսաշրջային ուղղություն, հայտնում է ՀՀ զբոսաշրջության կոմիտեն։
Անվանակարգը մարմնավորում է մշակութային բազմազանությունն ու յուրահատուկ տպավորությունները Հայաստան այցելող զբոսաշրջիկների համար, նշել են կոմիտեում։
«Մրցանակը ևս մեկ անգամ ընդգծում է Հայաստանի աճող ճանաչելիությունը միջազգային զբոսաշրջային շուկայում և երկրի զբոսաշրջային ներուժի նկատմամբ հետաքրքրությունը», – ասված է հայտարարության մեջ:
MITT (Moscow International Travel & Tourism Exhibition-՝ Մոսկվայի միջազգային ճանապարհորդական և տուրիզմի ցուցահանդես) Ռուսաստանի խոշորագույն միջազգային զբոսաշրջային ցուցահանդեսը, որն անցկացվում է Մոսկվայում 1994 թվականից, առանցքային b2b հարթակ է, որտեղ Ռուսաստանի 34 երկրների և տարածաշրջանների ավելի քան 1000 ընկերություններ ներկայացնում են զբոսաշրջային ապրանքներ, պայմանագրեր են կնքում և քննարկում արդյունաբերության միտումները արդյունաբերության ավելի քան 16,000 փորձագետների հետ:
MITT 2026 զբոսաշրջության և հյուրընկալության արդյունաբերության 32-րդ միջազգային ցուցահանդեսում աշխարհի 40 երկրներից ավելի քան 900 մասնակիցներ ներկայացրեցին իրենց ծառայություններն ու արտադրանքը: Մասնակցում էին տարբեր երկրներ, այդ թվում՝ Օմանը, Եգիպտոսը, Չինաստանը, Թուրքիան, Մալայզիան, Աֆրիկայի երկրները և այլն: MITT 2026 ցուցահանդեսին մասնակցել է ոլորտի ավելի քան 14 800 մասնագետ։ Ցուցահանդեսը տեղի է ունեցել մարտի 11-13-ը:
