Կիպրոսի պաշտպանության նախարար Վասիլիս Պալմասը հերքել է այն տեղեկությունները, որ Իրանը երկու հրթիռ է արձակել երկրի ուղղությամբ։
Այս մասին հաղորդել է The Times-ը։
«Ոչ մի նշան չկա, որ Կիպրոսին վտանգ է սպառնում։ Իրավասու մարմինները մշտապես ուշադիր հետևում են իրավիճակին»,-հաստատել է Կիպրոսի կառավարության ներկայացուցիչ Կոնստանտինոս Լետիմպիոտիսը։
Մեծ Բրիտանիայի վարչապետ Քեյր Սթարմերը Կիպրոսի նախագահ Նիկոս Քրիստոդուլիդեսին հաստատել է, որ իր երկիրը չի եղել իրանական հրթիռային հարվածների թիրախ։
Ինչպես հաղորդել է Mignews-ը, Մեծ Բրիտանիայի պաշտպանության նախարար Ջոն Հիլին նախկինում հայտարարել էր, որ Իրանը երկու հրթիռ է արձակել Կիպրոսի ուղղությամբ, որտեղ գտնվում են բրիտանական կարևոր ռազմական օբյեկտները։
Հիլին պնդել է, որ կղզում տեղակայված են հազարավոր բրիտանացի զինվորներ։ Հետևողական համակարգերը հայտնաբերել են արձակումները, սակայն հրթիռների տեսակի և դրանց անկման ճշգրիտ վայրի մասին մանրամասները ներկայումս գաղտնի են պահվում անվտանգության նկատառումներից ելնելով։