Ըստ Fars-ի՝ պայթյուններ են տեղի ունեցել նաև Սպահանում, Ղոմում, Քարաջում և Քերմանշահում։
AP–ի տեղեկություններով, իսրայելական հարվածների թիրախում է եղել նաեւ Ալի Խամենեի նստավայրը։ Իրանի գերագույն առաջնորդը, սակայն, Թեհրանում չէ և տեղափոխվել է անվտանգ վայր։ Հարվածներ են հասցվել նաև Թեհրանի Մեհրաբադ օդանավակայանին:
Ավելի վաղ Իսրայելի արտաքին գործերի նախարարությունը հայտնել է, որ Իսրայելը կանխարգելիչ հարված է հասցրել Իրանին:
Իրանական Tasnim գործակալությունը հաստատում է Թեհրանում տեղի ունեցած պայթյունները և հայտնում Իսրայելի կողմից հարձակման մասին: