ՌԴ անվտանգության խորհրդի փոխնախագահ Դմիտրի Մեդվեդևը Telegram-ում իր գրառմամբ Ուկրաինայի ներկայիս ղեկավարության ճակատագիրը համեմատել է Բենիտո Մուսոլինիի և Ադոլֆ Հիտլերի հետ։
«Մուսոլինիի և Հիտլերի ճակատագիրը ցուցադրական օրինակ է Կիևի ներկայիս իշխանությունների համար»,- գրել է Մեդվեդևը։
Նա նշել է՝ ովքեր հետագայում դատապարտվել են և շատ դեպքերում մահապատժի ենթարկվել Խորհրդային Միության կողմից, նույնը կարող է լինել Ուկրաինայի ղեկավարների հետ։
Մեդվեդևի խոսքով՝ Ուկրաինայի ներկայիս ղեկավարների մի մասի համար ռազմական գործողությունների շարունակումը նշանակում է իրենց սեփական կյանքի շարունակում. «Եթե ռազմական գործողությունները դադարեցվեն, ապա լավագույն դեպքում նրանք կկարողանան փախչել Եվրոպա։
Վատագույն դեպքում, իրենց սեփական քաղաքացիները կկախեն նրանց հենց Մայդանում»։