Ադրբեջանի նախագահ Իլհամ Ալիևի անվտանգության աշխատակիցները հարձակվել են Վաշինգտոնում ցույցի դուրս եկած ցուցարարների վրա, որոնք պահանջել էին ազատ արձակել ադրբեջանցի քաղբանտարկյալներին, հաղորդում է The Washington Post-ը:
«Ադրբեջանում քաղբանտարկյալներին ազատ արձակելու կոչ անող ցուցարարները հայտնել են, որ փետրվարի 19-ի կեսօրին իրենց վրա հարձակվել են նախագահ Իլհամ Ալիևի թիկնապահները Վաշինգտոնի «Waldorf Astoria» հյուրանոցի մոտ, որը գտնվում է Սպիտակ տնից մի քանի թաղամաս հեռավորության վրա»,- նշվում է հրապարակման մեջ։
Վաշինգտոնի ոստիկանությունը հարձակման մասին տեղեկատվությունը փոխանցել է Պետդեպարտամենտին։
ԱՄՆ-ում Ադրբեջանի դեսպանատունը չի արձագանքել մեղադրանքների վերաբերյալ մեկնաբանությունների խնդրանքին։