Ադրբեջանի նախագահի օգնական Հիքմաթ Հաջիևը X սոցիալական ցանցի իր էջում գրառում է կատարել և անդրադարձել TRIPP նախաձեռնությանը։
Հաջիևը այս գրառումը կատարել է՝ անդրադառնալով Ադրբեջանի և Սերբիայի միջև ռազմավարական գործընկերությանը։
«Ադրբեջանն ու Սերբիան, որոնք համարվում են «միջին տերություններ», նույնպես կարևոր դեր են խաղում միջտարածաշրջանային համագործակցության մեջ։ Ադրբեջանը գտնվում է Հարավային Կովկասում և Կասպյան տարածաշրջանում, մինչդեռ Սերբիան՝ Բալկաններում։ «Զանգեզուրի միջանցքը» կամ TRIPP նախաձեռնությունը բարենպաստ հնարավորություններ է ստեղծում Կասպից ծովի, Կենտրոնական Ասիայի և Բալկանյան տարածաշրջանի միջև կապերի ամրապնդման համար», – գրել է Հաջիևը։