ԱՄՆ պետքարտուղար Մարկո Ռուբիոն հայտարարել է, որ Ուկրաինայի հարցով երկխոսության ընթացքում հաջողվել է կրճատել վիճահարույց թեմաների քանակը, սակայն մնացել են դրանցից ամենադժվարը: Այս մասին հայտնում է Interfax-ը:
«Լավ նորությունն այն է, որ վիճահարույց հարցերի ցանկը, որոնք պետք է լուծվեն, նեղացավ: Վատ նորությունն այն է, որ այն նեղացել է ամենադժվար հարցերի լուծման համար», – ասել է Ռուբիոն Մյունխենի անվտանգության համաժողովում:
Նա հստակեցրել է, որ մնում են անհասկանալի պահեր՝ հնարավո՞ր է արդյոք գտնել համաձայնագրի պայմանները, որոնք ընդունելի են և՛ ՌԴ-ի, և՛ Ուկրաինայի համար: Ռուբիոն, սակայն, խոստացել է շարունակել ջանքերը Ուկրաինայում կարգավորման ուղղությամբ։
«Մենք կշարունակենք փորձեր ձեռնարկել«, – ասել է պետքարտուղարը:
Նա հաստատել է, որ Ուկրաինայի հարցով բանակցությունների հաջորդ փուլը տեղի կունենա երեքշաբթի՝ փետրվարի 17-ին:
Ռուսաստանի, Ուկրաինայի և ԱՄՆ-ի միջև բանակցությունների առաջին փուլը տեղի էր ունեցել հունվարի 23-24-ն Աբու Դաբիում։ Կողմերը բանակցությունները բնութագրել էին որպես կառուցողական։ ԶԼՄ-ների տվյալներով՝ բանակցությունների ամենադժվար հարցը տարածքային խնդիրն է։
