Ովքեր Գագիկ Ծառուկյանին խորհուրդ են տվել ընտրական մասնակցության իր պատկերացումը ներկայացնելիս «հղում» անել Նոյյան տապանի օրինակին, մեղմ ասած «արջի ծառայություն» են մատուցել նրան:
Դա շատ անհաջող օրինակ է, այն դեպքում, երբ ինքնին «Առաջարկ Հայաստանին» գաղափարը բավականին հաջողված է՝ որպես նախընտրական մասնակցության ձեւաչափային գաղափարական և բովանդակային առանցք: Երբ որևէ հաջողված մտահղացում «համեմում» են ավելորդ պատկերավորությամբ, նստվածքը լինում է ավելի դառնահամ:
Հետևաբար, կարծում եմ, որ Ծառուկյանի համար ճիշտ կլինի ընդմիշտ հրաժարվել այդօրինակ «ալեգորիայից» և հանգիստ կենտրոնանալ «Առաջարկ Հայաստանին» գաղափարի բովանդակության, դրա շուրջ իրական խոսակցության ծավալման վրա: Լավ գաղափարները չունեն ավելորդ պատկերավորությամբ համեմվելու կարիք, որովհետև այդ դեպքում համը դուրս է գալիս»: