Իլոն Մասկը դարձել է պատմության մեջ առաջին մարդը, ում կարողությունը գերազանցել է 800 միլիարդ դոլարի շեմը՝ ըստ Forbes Real-Time Billionaires վարկանիշի: Այս ցուցանիշին նա հասել է իր երկու խոշոր ընկերությունների՝ SpaceX-ի և xAI-ի միավորումից հետո, որի արդյունքում միացյալ ընկերության գնահատված արժեքը հասել է 1.25 տրիլիոն դոլարի: Ներկայումս գործարարի կարողությունը գնահատվում է շուրջ 852.5 միլիարդ դոլար, ինչը նրան իրական հնարավորություն է տալիս դառնալու մարդկության պատմության առաջին տրիլիոնատերը:
Մասկի հարստության առյուծի բաժինն այժմ կազմում է միավորված ընկերության 43% բաժնեմասը, որը գնահատվում է 542 միլիարդ դոլար: Բացի այդ, նա տիրապետում է Tesla-ի բաժնետոմսերի 12%-ին՝ 178 միլիարդ դոլար արժեքով, և ևս 124 միլիարդ դոլարի օպցիոնների: Եթե առաջիկա տասը տարիների ընթացքում Tesla-ն ապահովի սահմանված ֆինանսական ցուցանիշները, ներառյալ շուկայական արժեքի ութապատիկ աճը, Մասկը կարող է ստանալ մինչև 1 տրիլիոն դոլարի հասնող ռեկորդային պարգևատրում բաժնետոմսերի տեսքով:
Համեմատության համար նշենք, որ աշխարհի երկրորդ ամենահարուստ մարդը Google-ի հիմնադիր Լարրի Փեյջն է, ում կարողությունը գնահատվում է 278 միլիարդ դոլար, ինչը շուրջ 575 միլիարդով պակաս է Մասկի ցուցանիշից: