Իրանի Իսլամական հեղափոխության պահապանների կորպուսի (ԻՀՊԿ) անօդաչու թռչող սարքը հաջողությամբ կատարել է իր բոլոր առաջադրանքները և փոխանցել է անհրաժեշտ տեղեկատվությունը, նախքան դրա հետ կապը կորցնելը։
Այս մասին գրում է Tasnim լրատվական գործակալությունը:
Ավելի վաղ ԱՄՆ Կենտրոնական հրամանատարության խոսնակ, կապիտան Թիմ Հոքինսը հայտարարել էր, որ ամերիկյան F-35C կործանիչը խոցել է իրանական ԱԹՍ-ը, երբ այն մոտեցել է USS Abraham Lincoln ավիակիրին Արաբական ծովում։
Tasnim-ի աղբյուրի փոխանցմամբ՝ Իրանի իշխանությունները ներկայումս չեն կարողանում որոշել ԱԹՍ-ի հետ կապի կորստի պատճառը, և այն հետաքննվում է։
Այնուամենայնիվ, աղբյուրը նշել է, որ Shahed-129 ԱԹՍ-ն հետախուզություն էր իրականացնում բաց ջրերում՝ իր բնականոն և օրինական առաքելության շրջանակներում։