Վենետիկի Սուրբ Մարկոսի հրապարակում մեկնարկել է Իտալիայի գլխավոր կառնավալը: Այն սկսվել է տոնական հագուստներով թիավարներով պայծառ զարդարված տասնյակ նավակների երթով, որոնք անցել են Մեծ ջրանցքով: Նրանց երթին հետևել են կամուրջների և ափերի երկայնքով կանգնած տեղացիներ ու զբոսաշրջիկներ։
Այս իրադարձությամբ մեկնարկել է կառնավալային սեզոնը, որն անցնում է շքերթներով, դիմակահանդեսներով և փողոցային ներկայացումներով՝ գրավելով հյուրերին ամբողջ աշխարհից: Այս տարվա թեման է «Օլիմպոս. վերադարձ խաղերի ակունքներին», տոնակատարությունները կապվում են 2026 թվականի ձմեռային օլիմպիական խաղերի հետ, որոնք կբացվեն փետրվարի 6-ին Միլանում և Կորտինայում։
Կազմակերպիչների խոսքով՝ 2026 թվականի կառնավալը հատուկ շեշտադրում է կատարում վենետիկյան հնագույն ավանդույթների վրա, որոնք վերաիմաստավորվել են ժամանակակից հասարակության համար: Կառնավալը կտևի մինչև փետրվարի կեսերը՝ փետրվարի 17-ը:
Սպասվում է մի քանի հարյուր հազարից մինչև մեկ միլիոն այցելու. ամենամարդաշատ օրերը կլինեն վերջին հանգստյան օրերը և «Գեր երեքշաբթին»։