Իրավապահները նյութեր են նախապատրաստում «Քաղաքացիական պայմանագրի» պատգամավոր Հայկ Սարգսյանի դեմ, որին կուսակցության վարչությունը չընդգրկեց 2026 թվականի խորհրդարանական ընտրությունների նախընտրական ցուցակում, գրել է «Հրապարակ» օրաթերթը՝ հղում անելով իր աղբյուրին:
Ըստ թերթի՝ մոտ ապագայում, երբ Սարգսյանը մեղադրյալի աթոռին հայտնվի, վարչապետ Նիկոլ Փաշինյանը տպավորություն կստեղծի, որ չի հանդուրժում իր թիմակիցների կոռուպցիոն դրսևորումները:
Մամուլը հունվարի 21-ին գրել էր, որ իրավական գործընթաց է սկսվել պատգամավորի նկատմամբ՝ ՔՊ նախկին պատգամավոր Հովիկ Աղազարյանի գործով։ Ըստ լրատվամիջոցների՝ Սարգսյանը լուրջ հակասություններ ունի ԱԺ նախագահ Ալեն Սիմոնյանի և Երևանի քաղաքապետ Տիգրան Ավինյանի հետ։
