Ֆրանսիայի արտաքին գործերի նախարար Ժան-Նոել Բարոն Անկարայում հանդիպել է Թուրքիայի արտաքին գործերի նախարար Հաքան Ֆիդանին։
Ինչպես հայտնում է Anadolu գործակալությունը՝ հղում անելով Թուրքիայի ԱԳՆ մամուլի ծառայությանը, Ֆրանսիայի արտաքին քաղաքական գերատեսչության ղեկավարն իր աջակցությունն է հայտնել հայ-թուրքական և հայ-ադրբեջանական հարաբերությունների կարգավորմանը։
Բարոյի խոսքով՝ Փարիզն աջակցում է Անկարայի և Բաքվի հետ Երևանի հարաբերությունների հաստատմանը։
Ֆիդանի հետ համատեղ մամուլի ասուլիսի ժամանակ ֆրանսիացի պաշտոնյան հավելել է, որ հայ-թուրքական սահմանի բացումը կարող է դրական ազդեցություն ունենալ տարածաշրջանի բարգավաճման վրա։
Լուսանկարը՝ Թուրքիայի ԱԳՆ մամուլի ծառայության
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter