Վրաստանի նախկին նախագահ Միխեիլ Սաակաշվիլին, որը բանտարկված է, հայտարարել է, որ չի հրաժարվում քաղաքական ապագայից և պատրաստ է օգնել հաղթահարել «ամենավատ ճգնաժամը», որի առջև կանգնած է Վրաստանը. Գրում է Нововсти Грузия-ն։
Նա այս հայտարարությունն արել է 2007 թվականի նոյեմբերին Թբիլիսիում բողոքի ցույցը ցրելու գործով դատական նիստում։ Քաղաքական գործիչը երեք տարվա ազատազրկման ընթացքում առաջին անգամ անձամբ է մասնակցել դատավարությանը։ Մինչ օրս Սաակաշվիլին առողջական վիճակի պատճառով առցանց է միացել դատավարությանը։
«Արդեն տեսնում եմ մի ապագա, որտեղ ինձ որևէ պաշտոն պետք չէ, բայց կարևոր է, որ գնահատվի շատ փորձառու, հայրենասեր մարդկանց աշխատանքը։», – հայտարարել է Սաակաշվիլին։
Նա կրկին կոշտ քննադատել է իշխող «Վրացական երազանք» կուսակցության միլիարդատեր հիմնադիր Բիձինա Իվանիշվիլիին՝ համեմատելով նրան «մաֆիայի պարագլխի» հետ։ Նախկին նախագահի խոսքով՝ ինքը «սրա վերջը կտար մեկ շաբաթում», եթե ազատության մեջ լիներ։
«Ես մարտական ոգի ունեմ, զգում եմ ժողովրդի հսկայական աջակցությունն ու էներգիան, և պատրաստ եմ կրկին մասնակցել Վրաստանը խորագույն ճգնաժամից դուրս բերելու աշխատանքին։ Ես եկել եմ ձեզ ասելու՝ կա հույս, և ազատությունն ու երջանկությունը հասանելի են։ Ռեժիմը մեկուսացված է ոչ միայն քաղաքակիրթ աշխարհից և մեր հարևաններից, այլև օկուպացված է Ռուսաստանից», – ասել է նա։