Մենք արդեն ստացել ենք փոխադարձ առավելությունների մի մասը. բա եթե բենզինի գինը 20%-ով նվազել է, դիզվառելիքինը՝ նույնպես, եթե ցորեն է ներկրվում ՌԴ-ից ու Ղազախստանից, դա փոխադարձ առավելություն չէ՞,- նկատել է ՀՀ վարչապետ Նիկոլ Փաշինյանը։
Նա անդրադարձել է ընդդիմադիր պատգամավոր Արթուր Խաչատրյանի հայտարարությանը, թե իր գնահատականով՝ TRIPP ծրագիրը միջանցք է. «Ի՞նչ ասեմ։ Ադրբեջանի ներկայացուցիչները հայտարարում են, որ իրենք իրենց երկրի տարածքով միջանցքներ են տրամադրել ՀՀ-ին»,- ասել է նա։
Վարչապետը նաև շեշտել է, որ փաստաթղթում գրված է, թե ինչպես են օգտվելու այդ ճանապարհից՝ ՀՀ իրավազորության, տարածքային ամբողջականության ու ինքնիշխանության շրջանակներում։
Հակադարձելով Խաչատրյանին՝ նա նաև նշել է, թե երբվանից է գործելու երկաթգիծը. «Դա տեղի է ունենալու, երբ երկաթգիծը պատրաստ լինի, այն երկաթգիծը, որ ձեր խմբակցության ղեկավարն ու քաղաքական առաջնորդը իրար հետ քանդել, ծախել են։ Երբ պատրաստ լինի…Հասկանում եք՝ մենք չենք կարող ուսով գնացք տանել։ Գնացքը գնում է երկաթուղով։ Իսկ Վրաստանի տարածքով է գնում, որովհետև ՀՀ-ն Ադրբեջանին կապող երկաթուղի չկա։ Չկա, нету»։