Իրանը երեքշաբթի լույս չորեքշաբթի գիշերը հրթիռային և անօդաչու թռչող սարքերի (ԱԹՍ) հարվածներ է հասցրել Իրաքի տարածքում տեղակայված իրանական քրդական ընդդիմության դիրքերին: Այս մասին հայտնել է Agence France Presse գործակալությունը։
Ըստ տվյալների՝ գրոհի թիրախ են հանդիսացել Իրաքյան Քուրդիստանում տեղակայված Քուրդիստանի ազգային բանակի (SMK) զինված թևի ստորաբաժանումները:
Չնայած հայտարարություններին՝ հարձակման հստակ մանրամասները դեռևս անորոշ են մնում: Կուսակցության փոխանցմամբ՝ Իրանը մի քանի անգամ հարվածներ է հասցրել SMK-ի ռազմաբազայի ուղղությամբ:
Քրդական լրատվամիջոցների հաղորդմամբ՝ այս հարձակումը հանդիսանում է Թեհրանի առաջին խոշոր արտաքին ռազմական գործողությունը՝ Իրանում ընթացող զանգվածային բողոքի ցույցերի մեկնարկից ի վեր:
Իրանում ցույցերն սկսվել էին դեկտեմբերի վերջին՝ երկրում տիրող ծանր տնտեսական իրավիճակի պատճառով։ ԱՄՆ նախագահ Դոնալդ Թրամփը հայտարարել էր Իրանի հետ առևտուրը շարունակող երկրների արտադրանքի նկատմամբ 25% ներկրման մաքսատուրք սահմանելու մասին։ Նա նաև հավանական էր համարել հետագա ռազմական քայլերը՝ ի պատասխան Թեհրանի գործողությունների։
Իսլամական Հանրապետության գերագույն հոգևոր առաջնորդ այաթոլլա Ալի Խամենեին հունվարի 17-ին արձագանքել էր, որ երկրում վերջերս տեղի ունեցած անկարգությունները ծրագրված էին դրսից և Իրանի ինքնիշխանությունը խարխլելու, «կլանելու» ամերիկյան նախագծի մաս են կազմում:
