Ուկրաինայի նախագահ Վլադիմիր Զելենսկին քաղաքացիներին զգուշացրել է, որ Ռուսաստանը պատրաստվում է նոր զանգվածային հարվածի և կոչ է արել նրանց ուշադրություն դարձնել բոլոր օդային հարձակման ազդանշաններին։
«Մենք պետք է շարունակենք չափազանց զգոն լինել այս օրերին։ Ռուսաստանը պատրաստվել է հարվածի, զանգվածային հարվածի և սպասում է այն սկսելու պահին։ Խնդրում եմ ուշադրություն դարձնել բոլոր օդային հարձակման ազդանշաններին։ Եվ յուրաքանչյուր տարածաշրջան պետք է պատրաստ լինի հնարավորինս արագ արձագանքել և աջակցել ժողովրդին», – ընդգծել է Ուկրաինայի առաջնորդը։
Զելենսկին կոչ է արել բոլոր տարածաշրջաններին պատրաստ լինել արագ արձագանքման և արտակարգ իրավիճակի դեպքում աջակցություն ցուցաբերել բնակչությանը։