Եգիպտոսը ուժեղացրել է իր ռազմական ներկայությունը Սոմալիում Իսրայելի կողմից Սոմալիլենդի ճանաչումից հետո՝ վախենալով Իսրայելի ազդեցությունից:
Այս մասին հաղորդում է էմիրաթական The National թերթը՝ հղում անելով իր աղբյուրներին։
Աղբյուրները պնդում են, որ 10,000 հոգանոց Կահիրեի զորակազմը տեղակայվել է աճող աշխարհաքաղաքական սպառնալիքին հակազդելու համար։ Կահիրեն Աֆրիկայի այդ տարածքը համարում է իր ազգային անվտանգության համար կենսական նշանակություն ունեցող տարածաշրջան և հատկապես մտահոգված է, որ Իսրայելը կարող է օգտագործել իր նոր ներկայությունը Սոմալիլենդում՝ Եթովպիայի հետ կապերը ամրապնդելու համար:
«Եթե Իսրայելը հենարան ձեռք բերի Սոմալիլենդում, նրա հաջորդ քայլը կարող է լինել Սոմալիի կառավարությանը խաթարելը կամ տապալելը և ցամաքով շրջապատված Եթովպիայի համար Կարմիր ծով մուտք ապահովելը», – ասել է աղբյուրներից մեկը։