Պահանջիր Իմ զորությունը

Թուլացրու՛ քեզ, խաղաղվի՛ր. Մի՛ լարվիր և իզուր մի՛ վախենա: Ամեն ինչ լավ կլինի:

Ինչու՞ զուր վախենալ փոփոխություններից, երբ կյանքդ Ինձ է պահ տրված. Աստծո մոտ, որ երբեք չի փոխվում. Ես նույնն եմ երեկ, այսօր և հավիտյան:

Նշանակում է` պետք է սովորես իրոք ծանր լինել և տիրանալ հոգու հավասարակշռությանը` այս երերուն ու փոփոխական աշխարհի մեջ:

Պահանջի՛ր Իմ զորությունը:

Այսօր քոնն է այն նույն ուժը, որով Ես դևեր դուրս հանեցի: Օգտագործի՛ր այն, այլապես` ե՛տ կվերցնեմ: Օգտագործիր այն շարունա՛կ:

Որքան էլ պահանջես, շատ չէ՛: Երբեք մի՛ մտածիր, թե շատ ես զբաղված: Քանիցս վերադառնաս Ինձ և գործից հետո լցվես Իմ զորությամբ, ո՛չ մի գործ չի կարող հոգնեցուցիչ ու չափից ավելի լինել քեզ համար:

Իմ ուրախությու՛նն եմ տալիս քեզ:

Ապրի՛ր նրա մեջ:

Ընկղմի՛ր քո հոգին այդ պայծառության մեջ և ճառագայթի՛ր, ցոլա՛, տարածելով փոխանցի՛ր ուրիշներին: