Նիկոլն անուղղակիորեն հասկացրել է, որ պաշտոնական Երևանը պատրաստ է նետվել Իլհամի գիրկը

Պատասխանելով հարցին՝ չե՞ք ուզում ՀԱԵ-ն փրկել Ադրբեջանի ասպատակություններից՝ նկատի ունենալով այն, որ Բաքուն ամենօրյա ռեժիմով ջնջում է Արցախում հայ ժողովրդի հոգևոր-մշակութային ժառանգությունը, ինչպես նաև արձագանքելով հարցին՝ եթե եկեղեցին Ադրբեջանի դեմ հայցերը հետ չվերցնի, ի՞նչ եք անելու՝ նկատի ունենալով փաստը, որ ՀԱԵ-ն միջազգային դատարան հայց էր ներկայացրել՝ Շուշիի Կանաչ ժամի հետ կապված, Նիկոլը պատասխանել է, թե հայ-ադրբեջանական հարաբերություններում կան բազմաթիվ հարցեր, որոնք պետք է անդրադարձ ունենան խաղաղության գործընթացում, և իրենք կենտրոնացել են խաղաղության ինստիտուցիոնալցման վրա՝ միաժամանակ հայտարարելով, թե ոչ պետական հայցադիմումներին վերաբերող հարցի վերաբերյալ ինքը չունի ոչ մի մեկնաբանություն:

Նիկոլն անուղղակիորեն հասկացրել է, որ պաշտոնական Երևանը պատրաստ է նետվել Իլհամի գիրկը՝ չկարևորելով հայ ժողովրդի ինքնության դեմ ազերիների ոտնձգությունները, չկարևորելով այն, որ ջնջելով հոգևոր հետքն Արցախից՝ Իլհամն իրականում լուծում է պատմական մասշտաբի խնդիր իր համար. երբ կոչնչացնի Արցախի հայկականությունը փաստող վերջին հուշարձանը, «դուխով» կհայտարարի, թե Արցախի հետ հայ ժողովուրդն անգամ պատմական ոչ մի կապ չունի:

Մյուս կողմից՝ չարժե զարմանալ Նիկոլի՝ ՀԱԵ կողմից Ադրբեջանի դեմ ներկայացված հայցերի վերաբերյալ դրսևորված անտարբերությունից: Ավելին՝ այն, ինչ որ նա հիմա անում է, մեծապես պայմանավորված է նաև ՀԱԵ դիքորոշմամբ, Արցախի ու արցախիցների հանդեպ եկեղեցու որդեգրած քաղաքականությամբ: Ա՛յ եթե հայցերը հետ վերցնեին ու Իլհամին մաքուր հռչակեին, գուցե Նիկոլը մեղմեր հալածանքները կամ նույնիսկ հրաժարվեր հոգևորականների անձնական կյանք մտնելու վատառողջ հակումներից: Ալլահշուքյուրի կամքն է, ոնց ասի, տենց լինելու ա…