ԱՄՆ նախագահ Դոնալդ Թրամփն իր աշխատակազմի հետ ակտիվորեն քննարկում է Գրենլանդիան գնելու հնարավորությունը։ Այս մասին հայտարարել է Սպիտակ տան մամուլի քարտուղար Քերոլայն Լիվիտը մամուլի ասուլիսի ժամանակ։
«Նախագահն այժմ ակտիվորեն քննարկում է այս հարցը իր ազգային անվտանգության թիմի հետ», – ասել է նա՝ պատասխանելով հարցին։
Գրենլանդիան ուժով բռնագրավելու հնարավորության մասին հարցին Լիվիտը նշել է, որ «նախագահ Թրամփը միշտ քննարկում է բոլոր հնարավոր տարբերակները», բայց նաև ընդգծել է, որ դիվանագիտական լուծումները ամերիկացի առաջնորդի առաջնահերթությունն են։ «Նախագահը չի բացառում որևէ տարբերակ, բայց դիվանագիտությունը միշտ առաջնային է», – եզրափակել է նա։
ԱՄՆ նախագահ Դոնալդ Թրամփը բազմիցս հայտարարել է Գրենլանդիայի Միացյալ Նահանգներին միանալու անհրաժեշտության մասին։ Իր առաջին ժամկետի ընթացքում նա առաջարկել է գնել Գրենլանդիան, իսկ 2025 թվականի մարտին վստահություն է հայտնել, որ այն կարող է անեքսիայի ենթարկվել՝ սպառնալով Կոպենհագենին առևտրային սակագներով, եթե նա հրաժարվի։ Դանիայի վարչապետ Մետտե Ֆրեդերիկսենը մերժում է այս պնդումները՝ ընդգծելով, որ կղզին թագավորության մաս է կազմում։