ԱՄՆ-ի խոշորագույն արհեստական բանականության ստարտափները 2025-ին ներգրավել են ռեկորդային՝ 150 մլրդ դոլարի ֆինանսավորում: Նախորդ ռեկորդը սահմանվել էր 2021 թվականին և կազմել էր 92 մլրդ դոլար։ Այս մասին գրում է Financial Times-ը՝ հղում անելով PitchBook-ի տվյալներին։
OpenAI-ը ներգրավել է 41 մլրդ դոլար ներդրում, Anthropic-ը՝ 13 մլրդ դոլար, Meta-ն 14 մլրդ դոլարի ներդրում է ստացել Scale AI-ում։
Բացի այդ, այս տարվա ընթացքում մի քանի անգամ վենչուրային կապիտալ են ներգրավել նաև Anysphere, Perplexity և Thinking Machines Lab ստարտափները։
Վենչուրային ներդրողների և ոլորտի փորձագետների կարծիքով՝ ներգրավված կապիտալը կօգնի ընկերությունների հիմնադիրներին պաշտպանվել ներդրումային միջավայրի հնարավոր սառեցումից:
Այս կապակցությամբ FT-ն նշում է, որ որոշ ներդրողներ խորհուրդ են տվել ստարտափներին ձևավորել ֆինանսական պահուստներ այն ժամանակահատվածում, երբ արհեստական բանականության վերափոխող ներուժի շուրջ ոգևորությունը դեռևս բարձր էր։
Տեխնոլոգիական հրապարակումներն իրականացվում են Իդրամի աջակցությամբ։