«СберЗдоровье» բժշկական ընկերության էնդոկրինոլոգ Վիկտորիա Սադովսկայան բացատրել է, թե ինչպես խուսափել Նոր տարվա սեղանի շուրջ չափից շատ ուտելուց։ Նա Lenta.ru-ի հետ զրույցում կիսվել է կարևոր խորհուրդներով:
«Եթե ցանկանում եք Նոր տարվա սեղանի շուրջ բազմազան ուտեստներ փորձել, ապա դա արեք փոքր չափաբաժիններով և միայն այն ժամանակ, երբ քաղց եք զգում»,- խորհուրդ է տվել էնդոկրինոլոգը։
Բժիշկը նաև խորհուրդ է տալիս ավելի շատ թարմ բանջարեղեն և մրգեր ուտել, քանի որ դրանք նպաստում են առողջ մարսողությանը։
Նա նաև առաջարկել է նվազեցնել տոնական ճաշացանկի կալորիականությունը, օրինակ՝ ճարպոտ տավարի կամ խոզի միսը փոխարինելով հնդկահավի մսով, իսկ մայոնեզը՝ բնական մածունով: