«Սարանսկի թիվ 4 դատական շրջանի դատավորը Ռուսաստանի Դաշնության ժամանակակից պատմության մեջ առաջին վարչական տուգանքն է նշանակել հղիության արհեստական ընդհատման դրդելու համար», – ասվում է գրառման մեջ։ Այս մասին հայտնել է «Կանայք կյանքի համար» բարեգործական կազմակերպությունը։
Ըստ կազմակերպության՝ հիմնադրամի խնամքի տակ գտնվող կինը, իմանալով, որ երկվորյակներով է հղի, տեղեկացրել է չծնված երեխաների հորը։ Այնուհետև տղամարդը խնդրել է նրան ընդհատել հղիությունը և առաջարկել վճարել պրոցեդուրայի համար։
2025 թվականի հուլիսին կինը տղա և աղջիկ է ունեցել։ Դատավարության ընթացքում նրանց հայրը ընդունել է իր մեղքը, բայց դատական նիստում հերքել է աբորտի դրդումը։ Դատարանը նրան 5000 ռուբլի վարչական տուգանք է նշանակել։
Հիմնադրամը նշել է, որ Մորդովիան առաջինն է ընդունել օրենք, որը տուգանքներ է սահմանում աբորտի դրդման համար։ Նմանատիպ օրենսդրություն հետագայում ընդունվել է Ռուսաստանի Դաշնության ավելի քան 20 մարզերում։